እውነታው ሲረጋገጥ

ሰንበት ከሰዓት በኋላ

ለዚህ ሳምንት ጥናት የሚከተሉትን ጥቅሶች ያንብቡ፦ ራዕይ 3:14-22 ፣ ራዕይ 4:9-11፣ ዘፍ. 2:7 ፣ ዘፍ. 3:8-10 ፣ ኤር. 31:3-4 ፣ ዮሐ. 15:1-11 ፣ ሮሜ 8:9-11።

የመታሰቢያ ጥቅስ፡ “አብ እንደ ወደደኝ እኔ ደግሞ ወደድኋችሁ፤ በፍቅሬ ኑሩ።” ዮሐ. 15:9

ዛሬ ከእግዚአብሔር ጋር ያለዎትን ግንኙነት እንዴት ይገልፁታል? ሕያውና ጠንካራ ነው? በዚህ ግንኙነት ላይ ጊዜዎን በመውሰድ በመንፈስ አነሳሽነት የተጻፈውን ቃል በመመርመርና እንደ ጓደኛ በመነጋገር ያሳልፋሉ? ከሆነስ፣ ምን ያህል ጊዜ ያሳልፋሉ? እንዲሁም፣ ይህ በሕይወትዎ ውስጥ እጅግ አስደናቂ ግንኙነት ስለሆነ ከእግዚአብሔር ጋር ስላለዎት ግንኙነት ከሌሎች ጋር ለመካፈል ይበረታታሉ? ወይስ በምትኩ፣ ከእግዚአብሔር ጋር ያለዎት ግንኙነት ከጊዜ ወደ ጊዜ እየደበዘዘ ነው? አዎ ብለው ከጊዜ ወደ ጊዜ ሲያዩት ግን እውነቱን ለመናገር ያን ያህል ጠንካራ ላይሆን ይችላል። ወይም ምናልባት መጽሐፍ ቅዱስ “ለብታ” ብሎ የሚጠራው በመካከል የሆነ ቦታ ላይ ነዎት (ራዕይ 3:16)። መላእክት እኛ አዳኛችንንና ቤዛችንን በማምለክ እና በየቀኑ ወደ እግዚአብሔር ለመቅረብ በጉጉት አለመኖራችን ለምን ያስገርማቸዋል ብላችሁ አስባችሁ ታውቃላችሁ? ምክንያቱም በእርግጥ ከእግዚአብሔር ጋር ያለን ግንኙነት እዚህም ሆነ ለዘላለም ሁሉንም ነገር ይለውጣል። በዚህ ሳምንት፣ ከእግዚአብሔር ጋር ያለንን ግንኙነት የአሁኑን ሁኔታ እና የመጽሐፍ ቅዱስ ምክር ለእኛ ምን እንደሆነ እንመልከት። በእርግጥም፣ እራሳችንን በሐቀኝነት እስክንፈትሽና ኢየሱስ የገለጸውን መፍትሔ እስክናዳምጥ ድረስ ካለንበት ቦታ ወደ የተሻለ ቦታ መሄድ አንችልም። *ለመጋቢት 26 ሰንበት ለመዘጋጀት የዚህን ሳምንት ትምህርት ያጥኑ።

ያለንበት ሁኔታ

ኢየሱስ አሁን እርስዎ ከእርሱ ጋር ያለዎትን ግንኙነት ቢገልጽ ምን ሊል እንደሚችል አስበው ያውቃሉ? ምናልባት ጠንካራ ነው ወይም ቀደም ሲል ጠንካራ ነበር ሊል ይችላል።

ኢየሱስ በእነዚህ የመጨረሻ ቀናት ሕዝቡን ቢገልጽ ምን ሊል እንደሚችል አስበው ያውቃሉ? በራዕይ 3:14-22፣ ኢየሱስ በእርግጥ ስለ ህዝቡ ተናግሯል። እሱ “ታማኝና እውነተኛ ምስክር፣ የእግዚአብሔር ፍጥረት መጀመሪያ” እንደሆነ በመግለጽ ይጀምራል (ራዕይ 3:14)። ታማኝና እውነተኛ ምስክር አይዋሽም ነገር ግን በግልጽና በሐቀኝነት ይናገራል። ኢየሱስ የዛሬውን የሕዝቡን መንፈሳዊ ሁኔታ የገለጸበትን ራዕይ 3:14-17ን ያንብቡ።

እነዚህ ጽሑፎች በግል እንዴት ይገልጹዎታል? ኢየሱስ በመጨረሻው ዘመን የምንኖር ክርስቲያን ግለሰቦችን እንደሚያውቅ ይነግረናል። እኛ ትኩስም ሆነ ቀዝቃዛ አይደለንም፤ ምክንያቱም ራሳችንን ስናይ ምንም አያስፈልገንም። ቀናትና ሳምንታት ያልፋሉ፤ ከእግዚአብሔር ጋር እዚህም እዚያም ትንሽ ጊዜ እናሳልፋለን፤ ይህ በቂ ነው ብለን እናስባለን። ግን አይደለም። ይልቁንም፣ ከምናስበው በላይ በጣም ያስፈልገናል። ኢየሱስን በሙሉ ልብ መውደድና በእርሱ መኖር ብንችል ወይም በተቃራኒው ብንሆን ኖሮ ከእግዚአብሔር እይታ አንጻር ይህ ለብ ከማለት የተሻለ ይሆን ነበር። ኢየሱስ እንዲህ ይላል፦ “መጥፎ ጣዕም ስላለን ከአፉ ይተፋናል። ነገር ግን ይህን እስካሁን አላደረገም፣ እናም አሁን ጠንካራ ምርጫዎችን እንድናደርግ ይጠይቀናል። በራእይ 3:18-19 ላይ ለእኛ የሰጠው ምክር ምንድን ነው?

Save Notes

በጥንት ዘመን፣ አንድን ነገር “መግዛት” ማለት እቃዎችን መለዋወጥ ማለት ነው። እዚህ ላይ፣ ኢየሱስ በልግስና ልውውጥ ያቀርባል፡ ለወርቁ፣ ለነጭ ልብሱ እና ለዓይን ኩሉ። በዓይኖቹ ባለጠጋ ሊያደርገን ይፈልጋል፤ ፍጹም በሆነው የጽድቅ ካባው ሊሸፍነን ይፈልጋል፤ ከእርሱ ጋር ዘላቂ ግንኙነት ሁሉንም ነገር እንዴት እንደሚለውጥ ለማየት ዓይኖቻችንን ሊከፍትልን ይፈልጋል። የሚያስፈልገንን ሁሉ ያቀርብልናል፣ በተለይም የሚያስፈልገንን ለራሳችን ማቅረብ አንችልም። እሱ ብቻውን ይችላል፣ እናም ያደርጋል፣ ግን ፈቃደኛ ከሆንን ብቻ። እራስዎን እና የራስዎን መንፈሳዊ ሁኔታ መመልከት የሚያምዎት ከሆነ፣ በእነዚህ ጥቅሶች ውስጥ ለዛሬ ምን ተስፋ ተሰጥቶዎታል?

ተግሳጽ፣ ንስሐ፣ እና ሽልማት

“እኔ የምወዳቸውን ሁሉ እገሥጻቸዋለሁ እቀጣቸውማለሁ፤ እንግዲህ ቅና ንስሐም ግባ።” በማለት ኢየሱስ ይናገራል (ራዕይ 3:19)። ማንኛችንም ብንሆን፣ ለአንድ ሰከንድ እንኳን ኢየሱስ ስለ እኛ ወይም ስለ ወደፊቱ ሕይወታችን ግድ እንደማይሰጠው መናገር አንችልም። ኢየሱስ በሰው ልጅ ተስፋ ቆርጦ በዚህች ምድር ላይ ሊሄድ ባሰበው አስቸጋሪ መንገድ ላለመጓዝ ቢመርጥ ምን ያህል ቀላል ይሆንለት ነበር። አሁን ባለንበት ሁኔታ ውስጥ የሚገሥጸን በትክክል ስለሚወደን ነው። ከእኛ ጋር የበለጠ ጠንካራ እና ጥልቅ ግንኙነት ይፈልጋል። “በሚያስፈልገኝ ጊዜ ወደ እርሱ እመጣለሁ” በማለት አንዴ ከፍ አንዴ ዝቅ በሚለው አቋማችን አልረካም። በምትኩ፣ ኢየሱስ ለራሳችን ጥቅም ሲል ይገሥጸናል። ንስሐ እንድንገባ ይነግረናል። ነገር ግን የሆነ ችግር እንዳለ እስካልተገነዘብን ድረስ ንስሐ መግባት አንችልም። ሆኖም ግን፣ በእኛ ላይ ምን ችግር እንዳለ በትክክል ነግሮናል፤ እኛ ባለጠጎች ነን ብለን እናስባለን፣ ነገር ግን “ ‘ጎስቋላ፣ ምስኪን፣ ድሆች፣ ዕውሮችና የተራቆትን’ ነን” (ራዕ. 3:17)። ራዕይ 3:20ን ያንብቡ። እዚህ ምን ቃል ተገብቶልናል? ግን ያንን ቃል ኪዳን ለመቀበል ምን ማድረግ አለብን?

Save Notes

ይህ በጣም የሚያምርና ያልተለመደ የቃላት ምሳሌ ነው። የዓለም ሁሉ አምላክ ከእኔና ከእናንተ ጋር በምግብ ገበታ ላይ መቀመጥ ይፈልጋል። ከጥሩ ምግብ በላይ የጋራ ተሳትፎ እና ውይይት ይፈልጋል። ይህ የጠበቀና ዘላቂ ግንኙነት መገለጫ ነው፣ እና ኢየሱስ ይህንን ከእርሱ ጋር እንድናደርግ ይጋብዘናል። ኢየሱስ በትዕግስት እየጠበቀ የልባችንን በር እያንኳኳ ቆሞ ይሆናል። ምናልባት በልጆች መጻሕፍት ውስጥ እነዚህን ስዕሎች አይተው ይሆናል - ረጅምና ጨዋ አዳኝ፣ በቀስታ እያንኳኳ። እርሱ በግድ ወደ ውስጥ ዘልቆ በመግባት ከእሱ ጋር እንድንነጋገር አይፈልግም። በጊዜያችን ወይም ሥራ በበዛበት ሕይወታችን ላይ በግድ አይገባም። ጊዜው አጭር ነው፣ ስለዚህ፣ እሱን ከሰማነው በሩን እንክፈት። ወደ ሕይወታችን ለመግባት እዚያ ይጠብቀናል። ይህ ምሳሌ ኢየሱስ ከእያንዳንዳችን ጋር ሊኖረው የሚፈልገውን ዓይነት ግንኙነት ያሳያል። ነገር ግን አንድ ቀን፣ ኢየሱስን ፊት ለፊት ስንገናኘው፣ ዘውዳችንን ከእግሩ በታች ስንጥል፣ በሺዎች ከሚቆጠሩ ሌሎች ሰዎች ጋር በመሆን ፈጣሪን ስናመልክ እና ስናወድስ (ራዕ. 4:9-11፣ ራዕ. 5:11-14)፣ አእምሮአችንን ወደ ምድራዊ ፈተናዎቻችን ለመመለስ ስንሞክር እና ዋጋ ቢስ እንደነበሩ ሲገባን ከኢየሱስ ጋር በምድር ላይ ባሳለፍነው ጊዜ እንጸጸታለን ብላችሁ ታስባላችሁ? አሁን፣ ኢየሱስ እያንኳኳ ነው። እየጠራ ነው። ሆኖም፣ ልባችንን ለእርሱ ለመክፈት በማስተዋል መምረጥ አለብን። መስቀሉን ማየት እና ምን ማለት እንደሆነ ማሰብ ያንን ምርጫ እንድናደርግ እንዴት ሊያነሳሳን ይችላል?

ዘላለማዊ ፍቅር

የእኛን ግድየለሽ መሆን ከገለጸ በኋላ፣ ኢየሱስ ይህ ድል ልንነሳው የሚገባ ነገር እንደሆነ ይነግረናል። “እኔ ደግሞ ድል እንደ ነሣሁ ከአባቴም ጋር በዙፋኑ ላይ እንደተቀመጥሁ፥ ድል ለነሣው ከእኔ ጋር በዙፋኔ ላይ ይቀመጥ ዘንድ እሰጠዋለሁ።” (ራዕ. 3:21)። ለአንዳንዶቻችን ይህ ከመቼውም ጊዜ በላይ የሚያጋጥመን ታላቅ ጦርነት ሊሆን ይችላል - ደካምነታችንን፣ ራሴ ለራሴ ብቁ ነኝ ያልንበትን ሁኔታ መገንዘብ፣ የኢየሱስን ተግሣጽ መቀበል፣ ንስሐ መግባት፣ እና በእውነት ከሚያዩ ዓይኖች ጋር የኢየሱስን የጽድቅ ልብስ መቀበል። በጣም የሚያስደንቀው ነገር ኢየሱስ ግድየለሽና ለብ ያለ ሁኔታችንን መረዳቱ እና ራሱን ከእኛ ጋር ማመሳሰሉ ነው (ኢየሱስ ለብ ያለ ነበር ማለት ግን አይደለም)። “እኔ ደግሞ ድል እንደ ነሣሁ ድል ለሚነሳው…’ ይላል” (ራዕ. 3:21)። ኢየሱስ እኛን ለማዳን ስለሞተ፣ ኃጢአትንና ቅጣቱን አሸንፏል። የሚያጋጥሙንን የኃጢአት ጦርነቶች ይረዳል እና እንደሚያግዘን ቃል ገብቷል። በመጽሐፍ ቅዱስ ውስጥ ብዙ ሰዎች ከእርሱ ጋር በቃል ኪዳን ግንኙነት ውስጥ እንዲሆኑ እግዚአብሔር ላቀረበላቸው ግብዣ ምላሽ ሰጥተዋል። ይህ የመጽሐፍ ቅዱስ አጠቃላይ ትረካ ወይም ጭብጥ ነው። ከእነዚህ ሰዎች መካከል አንዳንዶቹን ስንመለከት፣ እግዚአብሔር በተለያዩ ጊዜያት ከእነሱ ጋር በተለያየ መንገድ እንደቀረበ ማየት እንችላለን። እነዚህ ታሪኮች እግዚአብሔር በተለያዩ ሁኔታዎች ካሉ ሰዎች ጋር እንዴት እንደሚገናኝ ምን ያስተምሩናል? ዘፍ. 2:7፣ ዘፍ. 3:8-10

Save Notes

ዘፍ. 5:24

Save Notes

ዘፍ. 6:13

Save Notes

ዘፍ. 12:1-4

Save Notes

ዘጸ. 34:29

Save Notes

እግዚአብሔር ከልጆቹ ጋር በአካል አብሮ ቢጓዝ ወይም ከእነርሱ ጋር ቢነጋገር፣ ሁልጊዜ ወደ ሰው ልጅ ለመቅረብ የሚፈልግ መሆኑ ነው። ዛሬ ከእግዚአብሔር ጋር ያለን ግንኙነት ምንም ይሁን ምን፣ እግዚአብሔር ወደ እኛ መቅረብ ይፈልጋል። ስለዚህ ሀሳብ በኤርምያስ 31:3-4 ውስጥ “እግዚአብሔርም ከሩቅ ተገለጠልኝ እንዲህም አለኝ፦ በዘላለም ፍቅር ወድጄሻለሁ ስለዚህ በቸርነት ሳብሁሽ። . . . እንደ ገና እሠራሻለሁ አንቺም ትሠሪያለሽ።” በማለት ይናገራል። ቀናችን አሁን ቢጀምርም ሆነ ቢጠናቀቅ፣ እግዚአብሔር እየፈለገንና እየጠበቀን ነው፣ ወደ እርሱ ሊያቀርበን ይፈልጋል። ከእርሱ ጋር ያለንን ግንኙነት ማሳደግ ወይም እንደገና ሊገነባ ይፈልጋል። ይህ ካልሆነ ግን ጥፋቱ የእኛ እንጂ የእሱ አይደለም። ዛሬ በሕይወታችን ውስጥ ካላሸነፍናቸው በቀር ከእግዚአብሔር ጋር ያለንን ግንኙነት ሊያደናቅፉ የሚችሉ እና የሚያደናቅፉ ነገሮች ምንድን ናቸው?

ኑሩ

ደቀ መዛሙርቱ ኢየሱስን ከላይኛው ክፍል ወደ ታችኛው ጎዳና በጠባቡ ደረጃዎች በኩል ተከተሉት። በምድር ታሪክ ውስጥ ካሉት እጅግ ወሳኝ ምሽቶች አንዱ በሆነው በጌቴሴማኒ አብረው ሲጓዙ፣ ኢየሱስ በላይኛው ክፍል ውስጥ የተናገራቸው የመጨረሻ ቃላት ምን ያህል ልብ የሚነኩ እንደሆኑ አላስተዋሉም። ኢየሱስ በዮሐንስ 15:1-11 ላይ ምን አለ?

Save Notes

ኢየሱስ ራሱ የተናገራቸው እነዚህ ቃላት፣ ከእግዚአብሔር ጋር የጠበቀ ግንኙነት ምን እንደሚመስል ይገልጻሉ። የሚደገመውን ቃል ልብ ይበሉ፣ ሁለት ጊዜ ብቻ ሳይሆን 10 ጊዜም፦ ኑሩ። በኢየሱስ ውስጥ መኖር ማለት ከእርሱ ጋር ተወዳጅቶ መኖር ማለት ነው። ኢየሱስ በመስቀሉ ፊት ለፊት ሲቆም፣ ኢየሱስ ይህ በእርሱ ውስጥ የመኖርን ትልቅ ጠቀሜታ አጉልቶ ከማስቀመጡም በላይ በሕይወታችን ውስጥ ምን እንደሚመስል በግልጽ እና በቀላሉ ይገልጻል። ይህም፡ ኢየሱስ የወይን ግንድ ነው፣ እኛ ቅርንጫፎቹ ነን። በእርሱ በመኖራችን ምክንያት(ከእርሱ ጋር በመገናኘታችን) በቅርንጫፎቻችን ላይ ፍሬ ይበቅላል። በራሳችን ፍሬ ማፍራት አንችልም። አንዳንድ ጊዜ በእርሱ የምንኖር መስለን ልንታይ እንችላለን፣ ነገር ግን ፍሬ በማጣታችን በእርሱ እንዳልኖርን ያሳያል፤ በመጨረሻም ቅርንጫፎቻችን ይደርቃሉ።

ብንደርቅ የወይን እርሻው በመጨረሻ ቅርንጫፎቹን ይቆርጣል። ፍሬ ብናፈራም ባናፈራም ቅርንጫፎቻችን መቆረጣቸው አይቀርም። በተመሳሳይ ጊዜ፣ ሁላችንም ፈተናዎችን እና የሚያሰቃዩ ጊዜያት ያጋጥሙናል። በእርሱ ከኖርን፣ እነዚህ ጊዜያት ለረጅም ጊዜ ብዙ ፍሬ እንድናፈራ ያስችሉናል። ፍሬ ማፍራት ማን እንደሆንን ያረጋግጣል (ደቀ መዛሙርት)። ለራሳችን ሳይሆን ለእርሱ ክብር ለማምጣት ፍሬ እናፈራለን። በኢየሱስ መኖር ማለት ትእዛዛቱን መጠበቅ ማለት ሲሆን ይህም የእርሱን ውብና ራስ ወዳድ ያልሆነ ፍቅር የሚያንፀባርቅ ነው። በኢየሱስ መኖር ታላቅ ደስታን ያመጣል። በኢየሱስ መኖር ማለት እርሱ ላደረገልን በጎነት ከእኛ የሚጠበቅብንን ማድረግ ማለት ነው። “ትእዛዛቱን ልንጠብቅ የእግዚአብሔር ፍቅር ይህ ነውና፤ ትእዛዛቱም ከባዶች አይደሉም።” (1ኛ ዮሐንስ 5፡3)። በደንብ ካሰባችሁበት በኢየሱስ መኖር ለሎዶቅያ ሁኔታችን ከሚያስፈልጉት መድኃኒቶች አንዱ ነው (ራዕይ 3፡20፣ ዮሐንስ 15፡4)። በምድር ላይ እና ለዘላለም የመኖር ታላቅ ምስጢር ነው፤ ሆኖም ግን የኢየሱስን ምክር በቀላሉ እንረሳለን። በዋናነት ኢየሱስ ለእያንዳንዳችን “አብ እንደ ወደደኝ እኔ ደግሞ ወደድኋችሁ፤ በፍቅሬ ኑሩ” (ዮሐንስ 15:9) ይለናል። የኢየሱስ ፍቅር ወደ እርሱ የሚስበን እጅግ አሳማኙ ገመድ ነው፤ እናም ይህንን ፍቅር ስናውቅ ለእግዚአብሔር እና ለሌሎች በፍቅር ምላሽ ለመስጠት በጣም እንነሳሳለን።

የግንድ ውስጥ ፈሳሹ

በክርስቶስ መኖር አንዳንድ ጊዜ ከባድ መስሎ ሊታይ ይችላል። የሚያስፈልገን ነገር እንደሆነ ልናውቅ እንችላለን፣ ነገር ግን የሕይወት ጥድፊያ ወደ ጅረቱ ይጎትተንና ሁሉም ነገር በጣም ከባድ ሆኖ ይሰማናል። በተለይም እነርሱ ኢየሱስን እንዲከተሉ በተደጋጋሚ በሚቀሰቅሳቸው ሰው ለተሰላቹ እግዚአብሔርን መከተል ከመቼውም ጊዜ በላይ ትልቁ ሸክም ሊመስል ይችላል። በአብዛኛው በልብ ውስጥ ስላለው ነገር ሳይሆን ስለ ውጫዊ ድርጊቶች ስለሆነ ይህ ዓይነቱ ሃይማኖት እንደ ከንቱ ድካም ብቻ ሊታይ ይችላል።

እግዚአብሔር ከሚፈልገው በላይ ምንም ነገር ሊኖር አይችልም፣ ይህም መሠረቱ ደንብ ብቻ ሳይሆን በሁለት በኩል የሆነ ፍቅር ነው፣ በፍቅር እና በነፃ ምርጫ ላይ የተመሠረተ የተመረጠ ግንኙነት ነው(በዚህም አስቀድሞ መረጠን)። አንዳንድ ጊዜ ከወይኑ ጋር በከፊል የተገናኘን ልንሆን እንችላለን፣ ነገር ግን በእያንዳንዱ የሕይወታችን ክሮች ውስጥ በትክክል አልተጣበቅንም። ወደ ቤተ ክርስቲያን ሄደን ልንጸልይ እና ትክክል እንደሆነ የምናውቀውን ልናደርግ እንችላለን፣ ነገር ግን በውስጣችን እንደ ደከምን ይሰማናል። እውነታው ይህ ነው፡ ቅርንጫፍ በራሱ ከወይን ግንዱ ጋር እንዲገናኝ ማድረግ እንደማይችል ሁሉ ራሳችንን በኢየሱስ ውስጥ እንድንኖር ማድረግ አንችልም።

እግዚአብሔር አስቀድሞ ወዶናል፤ የመጀመሪያውን እርምጃ ወስዷል። የእኛ ምላሽ እግዚአብሔር አስቀድሞ ለእኛ ላደረገልን ነገር ምላሽ ነው። አንድ የወይን ግንድ ክረምቱን እንዴት እንደሚያልፍ ተመልክተን የምናውቅ ከሆነ አንድ አስደናቂ እውነታ እንማራለን- በቅርንጫፎቹ ላይ ያሉት እንቡጥ ቅጠሎች እስከ ጸደይ ድረስ ከእድገት ስርዓቱ ተለይተው ይገለላሉ፤ ውሃም አያገኙም። አፈሩ ሲሞቅ፣ ሥሮቹ ውሃ ይወስዳሉ፣ እናም ፈሳሹ በወይኑ ግንድ በኩል ወደ እንቡጦቹ ይፈስሳል ከዚያም ማደግ ይጀምራሉ። ፈሳሹ በወይኑ ውስጥ ሳይፈስ ምንም እድገት አይኖርም። በወይን ግንዱ ውስጥ ያለው ጭማቂ በሕይወታችን ውስጥ እንደ መንፈስ ቅዱስ ነው።

እንደ ሞተ ቅርንጫፍ ልንሆን እንችላለን፣ ነገር ግን ከእግዚአብሔር ጋር ጊዜ ለማሳለፍ ስንመርጥ፣ መንፈስ ቅዱስ ከሥሩ እንደ ጭማቂ ወደ እኛ ይፈስሳል እና ወደ ሕይወት ያመጣንና ማደግ እንጀምራለን። በኢየሱስ ውስጥ ለመኖር ንቃተ ህሊና ያለው ምርጫ ማድረግ እንዳለብን ሁሉ፣ መንፈስ ቅዱስ (ጭማቂው) ወደ ሕይወታችን እንዲፈስም መጠየቅ አለብን። ሉቃስ 11:13ን ከኤርምያስ 31:3፣ 1 ዮሐንስ 4:19 እና ሮሜ 8:9-11 ጋር ያንብቡ። እዚህ ለእኛ አስፈላጊው መልእክት ምንድን ነው?

Save Notes

በእርግጥ እድገትን የሚያመጣው እና ከወይኑ ጋር እንደተገናኘን የሚያረጋግጥልንና በዚያ እንድንቀጥል የሚያስችለን መንፈስ ቅዱስ ነው። እዚህ በምድር ላይ፡-

• አጽናኛችን ሊሆን (ዮሐንስ 14፡16-18)።
• ኢየሱስን ለእኛ ሊገልጽልን (ዮሐንስ 15፡26)።
• ስለ ኃጢአት ሊወቅሰን (ዮሐንስ 16፡7፣8)።
• ወደ እውነት ሁሉ ሊመራን (ዮሐንስ 16፡13) ከኛ ጋር ያለውን መንፈስ ቅዱስን በየቀኑ መጠየቅ አለብን።

ይህንን ዝርዝር እንደገና ያንብቡ። መንፈስ ቅዱስ ከእግዚአብሔር ጋር ባለን ግንኙነት ላይ ተጽዕኖ የሚያሳድረው እንዴት ነው?

ተጨማሪ ሀሳብ

ከመወለዳችን በፊት እግዚአብሔር ወዶናል፤ እኛን ለማወቅ እና እሱን እንድናውቀው እቅድ አለው። እንደ መልካም እረኛ ይፈልገናል፣ በየቀኑም በእርሱ እንድንኖር ይጋብዘናል። ለእርሱ ምላሽ ለመስጠት መምረጥ ብቻ ነው የሚያስፈልገን፣ ከዚያም ምስኪንነታችንን እና የሎዶቅያ ሁኔታችንን በመልካም ስጦታዎቹ መለወጥ ብቻ ነው (ራዕይ 3፡18፣ 19ን ይመልከቱ)። ልክ የወይን ግንድ ቅርንጫፎች እድገት ቀስ ያለ እንደሆነ ሁሉ ከእግዚአብሔር ጋር ያለን ግንኙነትም ቀስ በቀስ ሊያድግ ይችላል፣ ወይም በጣም በሚያስፈልግ ዝናብ ምክንያት በፍጥነት ሊወጣ ይችላል። የምናድግበት ፍጥነት እና በሕይወታችን ውስጥ የሚመረተው የፍራፍሬ ብዛት ምንም ይሁን ምን፣ ከኢየሱስ ጋር መገናኘታችንን ለማረጋገጥ በየቀኑ “ፈሳሹ” ወይም መንፈስ ቅዱስ ያስፈልገናል። “በክርስቶስ መኖር ማለት መንፈሱን ያለማቋረጥ መቀበል፣ ለአገልግሎቱ ያለ ገደብ መሰጠት ማለት ነው። የመገናኛ መስመሩ በሰው እና በአምላኩ መካከል ያለማቋረጥ ክፍት መሆን አለበት። የወይን ግንድ ቅርንጫፍ ከሕያው የወይን ግንድ ፈሳሹን ያለማቋረጥ እንደሚስብ ሁሉ፣ እኛም በኢየሱስ ላይ መጣበቅ እና በእምነት ከእርሱ የባህሪውን ጥንካሬ እና ፍፁምነት መቀበል አለብን።” - ኤለን ጂ. ኋይት፣ የዘመናት ምኞት፣ ገጽ 676 “ደረቅና የተቆራረጠው የዛፍ ግንድ ከዋናው የወይን ግንድ ጋር አንድ የሚሆነው እንዴት ነው? የወይን ተክል ሕይወትና ምግብ ተካፋይ የሚሆነው እንዴት ነው? ወደ ወይኑ ውስጥ በመጣበቅ፣ በሚቻለው ሁሉ ቅርብ በመሆን ብቻ ነው። አሰር በአሰር፣ ቀንበጡ ሕይወት ሰጪውን የወይን ተክል ይዞ የሚቆየው የወይን ግንዱ ሕይወት ከቅርንጫፉ ጋር አንድ እስኪሆን እና ቅርንጫፉም እንደ ወይኑ ፍሬ እስኪያፈራ ድረስ ነው።”— Ellen G. White, manuscript 67, 1897።

የመወያያ ጥያቄዎች

---

Shalom Teleconference Ministries Inc -- Translated by Ethiopian SDA Union SSL

---